 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Цяпло раптоўнае адлігі –
I сьвет нанова маладзён.
I ў звоне дзён разносяць крыгі
Твайго сьвятла празрысты звон.
Плыве шырокі сьвет страката
То палявою, то лясной...
I чым жыве старая хата –
Вядома толькі ёй адной!
Зьняла дзяўчынка басаножкі,
Лясны мурог да ног прылёг.
...Яшчэ для першае падножкі
Не узышоў чартапалох!
Сукенку лёгкую трапеча
Вятрэц, наіўны і сьляпы.
Яшчэ для горкае сустрэчы
У шыпшын ня выраслі шыпы!
I ты бяжыш насустрач сьвету,
Нібыта ў ім не існуеш.
I для бяздомнага паэта
Пралесак крохкі лёс нясеш.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
